कारंजा (घा.) : शिवीगाळ करण्यास हटकले असता, चौघांनी काठीने मारहाण केली. बोदरठाणा येथे ही घटना घडली. ज्योती गाडगे ही घरासमोर बसली असताना नामदेव पठाणे हा शिवीगाळ करीत होता. दरम्यान, ज्योतीच्या आई व काकूने शिवीगाळ करताना हटकले असता नामदेव पठाडे, सुरेखा पठाडे, कुमकुम पठाणे यांनी शिवीगाळ करीत काठीने मारहाण करीत जीवे मारण्याची धमकी दिली. या प्रकरणी कारंजा पोलिसांत तक्रार दाखल करण्यात आली आहे.
