पुलगाव : स्थानिक महामार्गावरील कला व वाणिज्य महाविद्यालयासमोर भरधाव वाहनाने वयोवृद्धास चिरडून ठार केले. ही घटना बुधवारी दुपारी २.३० वाजताच्या सुमारास घडली. प्रेमसिंग फुलसिंग परमार(७५) असे मृत व्यक्तीचे नाव आहे. मुख्य मार्गावर असलेल्या सेवासदन वृद्धाश्रमातील प्रेमसिंग फुलसिंग परमार हे सायकलने वृद्धाश्रमाबाहेर पडले. नियोजित कामे पूर्ण करून ते परतीचा प्रवास करीत असता भरधाव असलेल्या अज्ञात वाहनाने त्यांना जबर धडक देत घटनास्थळावरून पोबारा केला. अपघात झाल्याचे लक्षात येताच परिसरातील नागरिकांनी घटनास्थळाकडे धाव घेत जखमीला तातडीने पुलगाव येथील ग्रामीण रुग्णालयात दाखल केले. तेथे वैद्यकीय अधिकाऱ्यांनी तपासणीअंती प्रेमसिंग यांना मृत घोषित केले. वा घटनेची नोंद पुलगाव पोलिसांनी घेतली असून पुढील तपास ठाणेदार शैलेश शेळके यांच्या मार्गदर्शनात पुलगाव पोलीस करीत आहेत.
