वर्धा : समुद्रपुरवरुन अकोल्याकडे जनावरे घेवून जाणाऱ्या ट्रकला समृद्धी महामार्गावर ट्रकला भीषण आग लागल्याने ट्रकमधील १५ जनावरे जळून कोळसा झाल्याची घटना रविवार (ता. ३) मध्यरात्री साडेतीन वाजताच्या सुमारास घडली. कत्तलीसाठी जनावरांची वाहतूक करणाऱ्या ट्रकचा पोलिसांकडून पाठलाग करण्यात येत होता. मात्र भरधाव ट्रकने समृद्धी महामार्गावरील येळाकेळी परिसरात पोलिसांच्या दोन शासकीय वाहनांना धडक दिली. भरधाव ट्रक समृद्धी महामार्गाने पुलगाव हद्दीत पोहचताच ट्रकमध्ये अचानक आग लागली. यात ट्रकसह कोंबून ठेवलेल्या १५ जनावरांचा कोळसा झाला.
