वर्धा : भरधाव वेगात येत असलेला मद्यपी दुचाकीस्वार कारवर आदळला. ही घटना शुक्रवार 11 फेब्रुवारी रोजी सकाळी 11 वाजताच्या दरम्यान लहान आर्वी ते अंतोरा रस्त्यावरील बाघाडीच्या पुलाजवळ घडली. या अपघातात आष्टी तालुक्‍यातील किन्हाळा येथील दुचाकीस्वार जखमी झाला आहे. तर कारमध्ये बसून असलेल्या व्यक्‍तींना किरकोळ दुखापत झाली आहे. सदर रस्त्याच्या कडेला मोठ्या प्रमाणात झाडे वाढल्यामुळे चालकाला समोरून येणारे वाहन निदर्शनास येत नसल्याने अपघात घडत आहेत. याकडे संबंधित विभागाने लक्ष देण्याची मागणी होत आहे.
